Lajme

26 vjet burgim për Mustafën, ish-ministri Bajrami bën krahasimin me vendimet e ulëta ndaj të akuzuarve serbë

Autori: Gazeta inFokus 15:03 | 16 December 2022

Ish ministri Arsim Bajrami ka reaguar ndaj vendimit të Dhomës së Specializuara të Gjykatës Speciale në Hagë që dënoi me 26 vjet burgim ish-pjesëtarin e Ushtrisë Çlirimtare të Kosovës, Salih Mustafa.

Bajrami përmes një postimi në rrjetin social në Facebook ka bërë krahasimin e dënimeve të ulëta që ka dhënë kjo gjykatë ndaj serbëve që kanë kryer krime gjatë luftës së fundit në Kosovë dhe dënimit që sot iu shqiptua Salih Mustafës.

“Dënimet e kriminelëve serbë nga GJND-ja dhe dënimi i Salih Mustafës. Aktgjykimi i GJND-së IT-05-87-T i dt.26. shkurt 2009. Nikolla Shainoviqin  me një dënim të vetëm me 22 vjet burgim, Dragolub Ojdaniqin një dënim të vetëm me 15 vjet burgim, Nebojsha Pavkoviqin  me 22 vjet burg, Vladimir Llazareviqin me 15 vjet burgim, Sreten Llukiqin me 22 vjet burgim”, ka shkruar ai.

-Advertisement-

Ndërkaq, sipas tij këta udhëheqës serbë udhëhoqën fushatën e gjenocidit të Serbisë në Kosovë që rezultojë me 13 mijë të vrarë, 1.5 milion të deportuar nga Kosova, 20 mijë gra të dhunuara, varreza masive në Serbi dhe spastrimin etnik, e shkatërrimin e Kosovës në të gjitha sferat.

“Aktgjykimi i DHS të Gjykatës Speciale i dt.16. dhjetor 2022. Dhomat e specializuara të Gjykatës Speciale dënoi sot Sali Mustafën me 26 vite burg për gjoja ‘keqtrajtimin’ e 6 personave në Kosovë. Vlerësoni vet, a bëhet fjalë këtu për drejtësi, apo tendencë të relativizimit të gjenocidit të Serbisë në Kosovë, duke barazuar viktimën me agresorin”, ka shkruar ndër të tjera Bajrami në Facebook.

Subscribe në YouTube: GAZETA INFOKUSI
Artmotion me ofertë PAKO SUPREME – kësaj radhe më shumë argëtim!
-Advertisement-

Të tjera

Fokusi

lajme