250 mijë euro kërkohen nga Atifete Jahjaga
Autori: Gazeta inFokus 23:26 | 06 February 2018
250 mijë euro dëmshpërblim kërkojnë nga Atifete Jahjaga dy kunetërit e Shyhrete Berishës, Arben dhe Xhelal Berisha, të cilët e kanë paditur sot për shpifje ish-presidenten e Kosovës.
Arben Berisha dhe Xhelal Berisha nga Suhareka kanë ngritur padi pranë Departamentit Civil të Gjykatës Themelore të Prishtinës kundër Atifete Jahjagës, lidhur me deklaratën e saj, për rastin e Shyhrete Berishës – të vejës së vëllait të tyre.
Shyrete Berisha ishte bërë temë mediale pasi për 17 vjet u end gjykatave duke kërkuar të drejtën e saj pronësore. Kunetërit e saj, refuzonin t’ia jepnin gjysmën e shtëpisë, ku Berisha kishte jetuar me bashkëshortin dhe fëmijët deri në vitin 1999 kur edhe humbi krejt familjen nga ushtria serbe.
Tash që Arben Berisha dhe Xhelal Berisha janë detyruar nga Gjykata t’ia japin gjysmën e shtëpisë Shyhrete Berishës, vëllëzërit i kanë hyrë edhe një beteje gjyqësore, kundër Jahjagës, e cila kishte lobuar pro Shyhrete Berishës dhe të drejtës së saj.
Insajderi ka siguruar padinë e ngritur nga vëllezërit Berisha kundrejt Jahjagës.
Arben dhe Xhelal Berisha kërkojnë 250 mijë euro dëmshpërblim nga Jahjaga, për një deklaratë të sajën ndaj familjes së tyre, të cilën ata e konsiderojnë “fyese dhe shpifëse”.
“Padi për kompensim të dëmit material dhe jomaterial për shpifje e fyerje me propozim për masën mbrojtëse nga shpifja (neni 4 të Ligjit Nr. 02/L-65, kundër shpifjes dhe fyerjes)”, thuhet në padinë e ngritur nga vëllezërit Berisha.
Jahjaga ishte deklaruar për rastin e Shyhrete Berishës në mars të vitit 2017. Shkak për ngritje të padisë ndaj saj, është bërë deklarimi i Jahjagës se Shyhrete Berisha “është tërhequr zvarrë nga shtëpia e saj”.
“Si mundemi, ne, respektuesit e kuotës së tridhjetë përqindshit, promovuesit dhe avokuesit për të drejtat e gruas, të lejojmë që një grua të hiqet zvarrë nga shtëpia e saj ku me vite ka grumbulluar kujtimet e më të dashurve të saj që lufta – lufta për lirinë tonë – ja mori padrejtësisht?”, kishte pyetur Jahjaga.
Në deklaratën e saj, Jahjaga i kishte dalë në krah gruas që kishte humbur bashkëshortin dhe katër fëmijët gjatë Luftës së Kosovës në vitin 1999, e pas vitit 2000 kishte hapur një kontest gjyqësor për të rikthyer shtëpinë të cilën ia kishin marrë kunetërit e saj: Arbeni dhe Xhelali.
Jahjaga e kishte mbështetur fort gruan e cila përveç dhimbjes së humbjes së gjithë familjes, i mohohej edhe e drejta e shtëpisë.
Në shumë fjalime të saja e kishte quajtur “rastin e Shyhrete Berishës turp të institucioneve të drejtësisë”, dhe kur pas më shumë se 17 vitesh Shyhrete Berisha fitoi të drejtën mbi pronësinë, Jahjaga kishte shkruar se ky vendim e ka gëzuar.
“Shyhreten fatkeqësisht drejtësia dhe shoqëria kosovare e la të dëshpëruar për një kohë shumë të gjatë, duke e përballur me konteste gjyqësore, sikur asaj të mos i mjaftonte dhimbja me të cilën kishte jetuar gjithë këto vite pasi kishte humbur të gjithë familjen në masakrën e familjes Berisha nga Suhareka gjatë luftës në Kosovë”, kishte shkruar Jahjaga, në qershor të vitit të kaluar.
Ndërkaq, avokatja e vëllezërve Berisha, Vahide Braha ka thënë sot se seanca fillestare për këtë rast do të mbahet gjatë këtij muaji.
“Seanca fillestare do të mbahet me 14 shkurt në Gjykatën Themelore të Prishtinës”, deklaroi Braha për Insajderin.
Gazeta ka provuar të kontaktojë edhe me Selim Selimin, avokatin e Atifete Jahjagës, dhe është në pritje të një përgjigje nga ai.
Të tjera
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...
-
Vràsja e Gjyljeta Ukellës, dëgjoni hoxhë Enes Gogën i cili tregon se çfarë ndodhi sot në ditën e premte
“Nëse dikush guxon me privu nga jeta pa të drejtë, një person tjetër atëherë ...
-
O’Brien zbarkon në Beograd, nesër mban takim me Vuçiqin
Ndihmëssekretari i Byrosë për Çështje Evropiane dhe Euroaziatike i Departamen...
-
Vazhdon akuzat Sanduloviq: Me urdhër të kujt po kërcëńohet, përgjohet dhe ndiqet vajza ime?
Politikani serb, Nikola Sanduloviq, ka treguar detaje të reja nga rasti i hed...
-
Lajçak: Nuk ka të ardhme evropiane për Kosovën e Serbinë pa normalizim të marrëdhënieve
Emisari special i Bashkimit Evropian për dialogun ndërmjet Kosovës dhe Serbis...
-
Kryetari i Zubin Potokut për referendumin e së dielës: Nuk do të këtë sukses dhe s’do të dal të votoj
Kryetari i Zubin Potokut, Izmir Zeqiri ka vlerësuar se referendumi i së dielë...
-
Në OKB kërkohet që Gjenocidi në Srebrenicë të dënohet globalisht
Gjenocidi në Srebrenicë duhet të dënohet në nivel global, duhet të shprehet m...
-
Çka po synon Serbia me testimin e ąrmëve në kufi me Kosovën, flasin ish-ushtarakët
Ish-ministri i Punëve të Brendshme, Bejtush Gashi ka thënë se stërvitjet usht...
-
Policia e Kosovës arreston një shtetas nga Maqedonia e Veriut, ishte në kërkim ndërkombëtar
Policia e Kosovës ka arrestuar sot në Ferizaj një shtetas të Maqedonisë së Ve...
-
ĶRIMI NË FAMILJE| 45 gra e burra të vrārë, këto janë shifrat shokuese të 4 viteve të fundit në Kosovë
Hiq më pak se 45 gra e burra u vranë nga familjarët e 10 mijë e 621 të tjerë ...
-
Instruktorë të zbulimit britanik trajnojnë FSK-në
Në ambientet e Komandës së Doktrinës dhe Stërvitjes (KDS), u përmbyll me suks...