Lajme

250 euro gjobë për pronarin e dyqanit që shiste produkte pa afat

Autori: Gazeta inFokus 16:03 | 15 August 2018

Komuna e Skenderajt ka bërë të ditur se janë gjetur disa produkte ushqimore me afat të skaduar, në vlerë prej 50 eurove.

Sipas njoftimit të komunës, inspektorët e Drejtorisë së Inspeksionit kanë konfiskuar artikujt, kurse ndaj pronarit të dyqanit është shqiptuar gjobë prej 250 eurove.

“Sipas raportit të drejtorit të kësaj drejtorisë së shërbimeve publike, z.Ibush Hetemi, me kërkesë të Agjencionit të Ushqimit dhe Veterinarisë të Kosovës (AUVK), është inspektuar një dyqan (i njohur për Drejtorinë e Shërbimeve Publike), në rrugën “Azem Bejta”, të cilit i janë gjetur disa produkte ushqimore me afat të skaduar, në vlerë të përgjithshme prej 50 eurove. Për këtë rast, Inspektorët e drejtorisë kanë konfiskuar artikujt, kurse ndaj pronarit të dyqanit është shqiptuar gjobë prej 250 eurove”, thuhet në komunikatë.

-Advertisement-

Drejtoria e Shërbimeve Publike, ndërkaq, ka bërë apel te qytetarët t’i paraqesin rastet e tilla tek organet përkatëse, të cilat më pas do të marrin veprime konkrete, konform dispozitave ligjore

Subscribe në YouTube: GAZETA INFOKUSI
Etiketa:

Të tjera

Fokusi

lajme