Lajme

20 policët e arrestuar për marrje të ryshfetit dalin para Gjykatës

Autori: Gazeta inFokus 11:00 | 22 Qershor 2017

Sot në Gjykatën Themelore në Prizren, ka nisur të mbahej shqyrtimi fillestar ndaj 20 policëve të akuzuar për marrje të ryshfetit.

Ky rast zhvillohet në bazë të aktakuzës së Prokurorisë Themelore në Prizren, e cila i akuzon policët: Shemsi Demolli, Safet Veliu, Naser Rama, Afrim Rafuna, Muhamet Buzhala, Ivica Djokiç, Ismail Azemi, Alush Elshani, Blerim Zylfaj, Bekim Zogaj, Qerim Beqiri, Azem Goxhufi, Ardian Rrecaj, Sasha Nedeljkovic, Shaban Gerguri, Shemsi Zejnullahu, Aziz Krasniqi, Lulzim Gashi, Shefki Zeka dhe Nuhi Zogaj, se kanë marrë ryshfet si policë trafiku, raporton Indeksonline.

Aktakuza e ngritur me 2 mars të këtij viti, tregon se të akuzuarit në fjalë, gjatë vitit të kaluar, duke patrulluar në autostradën “Ibrahim Rugova”, në mënyrë të drejtpërdrejtë kërkojnë dhe pranojnë ryshfet nga shkelësit e rregullave të komunikacionit, për të mos u shqiptuar atyre dënimet kundërvajtëse.

-Advertisement-

Indeksonline ka siguruar komplet aktakuzën më të cilët ngarkohet grupi më i madh i policëve të arrestuar për marrje të ryshfetit.

Në aktakuzë ndër të tjetra përshkruhet se si këta policë, duke vepruar në grup prej 2 dhe 3 zyrtarësh, brenda orarit të punës, kanë mbledhur në mënyrë të kundërligjshme shuma të të hollave deri rreth 400 euro e pastaj të hollat i kanë ndarë mes veti, në mënyrë proporcionale.

Burimet e Indeksonline kanë thënë se disa prej policëve të akuzuar në këtë rast janë në negociata që të pranojnë fajësinë./Indeksonline/

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy