Lajme

126 zyrtarë policorë të hetuar gjatë këtij viti, mes tyre edhe kapitenë, majorë e nënkolonelë

Autori: Gazeta inFokus 11:41 | 01 December 2021

Kryeshefi Ekzekutiv i Inspektoratit Policor, Kushtrim Hodaj, gjatë një raportimi që ka bërë në Komisionin për Çështjet e Sigurisë dhe Mbrojtjes, ka folur për çështjen e hetimeve ndaj zyrtarëve policorë, shkruan Gazeta Infokus.

Ai ka treguar nëse ka dallime kur IKP-ja inspekton një polic të zakonshëm në raport me inspektimin e një togeri apo të atyre që kanë grada më të larta në Policinë e Kosovës.

Hodaj tha se vetëm gjatë raportit 9 mujor të këtij viti kanë zhvilluar hetime ndaj 126 zyrtarëve policorë.

-Advertisement-

“Në bazë të raportit 9 mujor që kemi janë 126 zyrtarë policorë ndaj të cilëve kemi zhvilluar hetime. Prej tyre: 15 rreshter, 3 togerë, 2 kapitenë, 1 major, 2 nënkolonelë, 8 zyrtarë civil dhe disa qytetarë”, tha Hodaj.

Tutje Kryeshefi i Inspektoratit tha se nuk ndikojnë gradat se ndaj kujt duhet të zhvillohet hetim, por ndikojnë provat dhe dëshmitë që janë ndaj rastit.

“Unë konsideroj se ne kemi dhënë dëshmi që kemi hetuar kudo që ka pasur dyshime dhe kudo që ka pasur shkelje, pavarësisht niveleve apo gradave. Te ne nuk ka ndonjë kategori apo gradë që ndikon se ndaj kujt duhet të zhvillohen hetime, por ndikojnë provat dhe dëshmitë që janë ndaj rastit”, shtoi Hodaj./Gazeta Infokus/

Subscribe në YouTube: GAZETA INFOKUSI