1 mijë e 500 euro gjobë ndaj ish-drejtorit të Arsimit në Skënderaj, pranoi se punësoi mësimdhënësin pa konkurs
Autori: Gazeta inFokus 12:44 | 14 April 2023
Ish-drejtori i Arsimit në Skenderaj, Bekim Latifi, i akuzuar për korrupsion, është dënuar me 1 mijë e 500 euro gjobë, pasi pranoi fajësinë se sa ishte drejtor ka punësuar një mësimdhënës pa shpallur fare konkurs.
Aktgjykimi dënues është shpallur të premten në Gjykatën Themelore në Mitrovicë nga gjyqtari i rastit Rrahman Beqiri, pasi i akuzuari Latifi paraprakisht e pranoi fajësinë në shqyrtim fillestar, raporton “Betimi për Drejtësi”.
Fillimisht, i akuzuari Latifi u dënua me gjashtë muaj burgim, por me pëlqimin e tij dhe mbrojtësit të tij, avokatit Berat Peci, dënimi me burg iu zëvendësua në dënim me gjobë prej 1 mijë e 500 euro, në pajtim me nenin 44 të Kodit Penal të Republikës së Kosovës.
Sipas aktgjykimit, i akuzuari Latifi detyrohet që të paguajë shpenzimet e procedurës, 30 euro në emër të paushallit gjyqësor dhe 50 euro në emër të fondit të kompensimit të viktimave të krimit.
Dënimin me gjobë në lartësi prej 1 mijë e 500 euro, i akuzuari obligohet ta paguajë në afat prej 3 muaj nga dita e plotfuqishmërisë së aktgjykimit, ku këtë dënim me gjobë mund ta paguajë në këste të barabarta.
Gjyqtari Beqiri i njoftoi palët se kundër këtij aktgjykimi kanë të drejtë të paraqesin ankesë në afat prej 15 ditëve, nga dita e pranimit të këtij aktgjykimi.
Gjyqtari Beqiri njoftoi se gjykata ka marrë këtë vendim duke marrë parasysh rrethanat lehtësuese si pranimin e fajësisë nga ana e të akuzuarit, faktin se kanë kaluar rreth pesë vite nga koha e kryerjes së veprës penale, ndryshimin e rrethanave, si dhe faktin se i akuzuari nuk ka qenë i dënuar më parë.
Paraprakisht, sot u mbajt shqyrtimi fillestar, ku të pranishëm ishin prokurori i shtetit Njazi Rexha, dhe i akuzuari Bekim Latifi me mbrojtësin e tij, avokatin Berat Peci.
Tutje, pas leximit të aktakuzës nga prokurori Rexha, dhe pasi i akuzuari u njoftua nga gjyqtari Beqiri për pasojat dhe benefitet e pranimit të fajësisë, i njëjti e pranoi fajësinë për veprën penale që i vihet në barrë.
Prokuroria Themelore në Mitrovicë më 14 dhjetor 2020, ka ngritur aktakuzë kundër Bekim Latifit, të cilin e ngarkon se më 1 shtator 2018, ne cilësinë e drejtorit të Drejtorisë së Arsimit në Komunën e Skenderajt, ka tejkaluar kompetencat e tij, me qëllim që tjetrit t’i sjellë çfarëdo dobie, ashtu që në kundërshtim me Ligjin e Punës nr. 03/L-22, ka nënshkruar kontratën e punës me nr. protokolli 45/18 me Berat Dajakun, për mësimdhënës në lëndën e Historisë në shkollën e mesme të Ulët “Halit Geci”, në Skenderaj, në paralelen e ndarë në fshatin Rakinicë, pa shpallur fare konkurs.
Me këtë, akuzohet se ka kryer veprën penale “Keqpërdorimi i pozitës apo autoritetit zyrtar” nga neni 422, par. 1 të Kodit Penal.
Të tjera
-
FShSK mban konferencë për media lidhur me pakënaqësitë e punëtorëve shëndetësorë
Federata Sindikale e Shëndetësisë do të mbajë sot një konferencë për media. ...
-
SHBA, kusht për mbështetjen ndaj Izraelit! Biden: Jo sulme ndaj objekteve bërthamore të Iranit
Presidenti i Shteteve të Bashkuara Joe Biden tha të mërkurën se ai nuk do të ...
-
Dyshime për sasi të lartë të manganit në Badoc, IKSHPK-ja merr mostrat për testim – Rezultatet dalin sot
Instituti Kombëtar për Shëndetësi Publike (IKSHPK) është duke e testuar ujin ...
-
Lufta i kushton Izraelit 100 miliardë dollarë, ekonomistët: Janë hapur disa fronte, kosto shumë e lartë
Lufta kushton. Shumë madje. Jo vetëm nga pikëpamja njerëzore. Konflikti në...
-
Shqyrtohen tri projektligje që kanë të bëjnë me legjislacionin e BE-së
Komisioni për Integrime Evropiane sot do të mbajë mbledhje. Në këtë mbledhje ...
-
Sot dot do të mbajë mot kryesisht i vranët
Instituti Hidrometeorologjik i Kosovës, njofton se sot do të mbajë mot kryesi...
-
Vazhdon procesi gjyqësor ndaj ish-krerëve të UÇK-së
Në Dhomat e Specializuara të Kosovës në Hagë sot vazhdon procesi gjyqësor nda...
-
Parashikimi i motit për të enjten
Për të enjten parashikohet të mbajë mot me diell dhe vranësira, ku kryesisht ...
-
Zogaj: LVV e PDK po bllokojnë Prishtinën, rrezikojmë t’i humbim rreth 9 milionë euro
Nënkryetari i Prishtinës, Alban Zogaj ka akuzuar Partinë Demokratike dhe Lëvi...
-
BE-ja në Kosovë zgjedh ‘Hyjneshën në Fron’ si suvenir dhuratë për mysafirët nga Evropa
Zyra e Bashkimit Evropian në Kosovë njofton se ka përgatitur dhuratë të veçan...
-
Krasniqi: PDK-ja do ta ofrojë një alternativë të re për Asociacionin
Kryetari i PDK-së Memli Krasniqi ka thënë se draft statuti aktual i Asociacio...
-
”Hartimi i listës së kandidatëve për deputet”, Krasniqi: Nuk do të futen kryetarët aktual të komunave
Lideri i PDK’së, Memli Krasniqi ka thënë se kryetarët aktual të komunave nuk ...