Sport

⚽ Zbardhen disa detaje të reja pse u largua Bonucci nga Juventusi

Autori: Gazeta inFokus 19:50 | 14 July 2017

Leonardo Bonucci është transferuar te skuadra e Milanit.

Mbrojtësi italian ka braktisur radhët e kampionit italian të Juventusit për shumën prej 40 milionë euro.

Mediat kanë zbardhur edhe disa të reja rreth arsyes së largimit të futbollistit për tek rivali i përjetshëm i juventinëve.

-Advertisement-

E gjitha filloi në zhveshtoret e ekipit në kuadër të finales së Ligës së Kampionëve, ku bardhezinjtë pësuan humbje prej Real Madridit me rezultat 1-4.

Në mes të dy pjesëve të ballafaqimit kur Dani Alves kritikoi Paulo Dybalan për kartonin e parë të verdhë të marrë në 45 minutshin e parë.

Këtu ndërhyri Bonucci, i cili kritikoi Alvesin për plogështi në ndeshje dhe se kundërshtari Marcelo po e lë pas atë.

Në këtë diskutim u përfshi edhe Antoni Barzagli, i cili i kërkoi të qetësohej Bonuccit, por ky iu kthye me fjalët “Mos fol ti, se Marcelo nuk po të bënë hesap”, por veterani Barzagli ia kujtoi Bonuccit se për fajin e tij, Cristiano Ronaldo shënoi golin e parë.

Për të mos eskaluar situata ndërhyri trajneri Massimiliano Allegri, i cili mbrojti njëkohësisht edhe Dybalan.

Kjo ka bërë që marrëdhëniet mes trajnerit dhe Bonuccit përfundimisht të prishen pasi që në të kaluarën ishin të brishta, duke kujtuar edhe kohën kur mbrojtësi ishte pezulluar për ndeshjen kundër Portos.

Subscribe në YouTube: GAZETA INFOKUSI
Etiketa:
Nis bashkëpunimi serioz dhe strategjik midis Comodita dhe JYSK International
-Advertisement-

Të tjera

Fokusi

sport