Sport

⚽️ Zyrtare: Barcelona lëshon njoftimin e shumëpritur për Neymarin (Foto)

Autori: Gazeta inFokus 11:21 | 02 August 2017

Telenovela e transferimit më të shtrenjtë në historinë e futbollit është shumë afër të përfundojë.

Ylli brazilian dhe një ndër talentët më të mëdhenj të futbollit, Neymar, është tashmë shumë pranë kalimit te klubi francez, Paris Saint Germain (PSG), transmeton gazetametro.net

Kjo pasi klubi katalunas ka konfirmuar zyrtarisht se Neymar nuk ka marrë pjesë në seancën e e sotme stërvitore me lejen e trajnerit.

-Advertisement-

Raportet e fundit nga mediumet spanjolle thonë se Neymar këtë mëngjes ka qenë në qendrën stërvitore të Barcelonës, por nuk ka stërvitur fare dhe është larguar nga aty pas gjysmë ore. Raportohet se ai u përshëndet me bashkëlojtarët e deritashëm dhe ua konfirmoi atyre kalimin në kryeqytetin francez.

Dje, të martën, Neymar kishte udhëtuar nga Kina në Barcelonë, kurse agjenti i tij, Wagner Ribeiro, nga Sao Paulo në Paris të Francës, prej nga postoi një fotografi të Kullës së Eiffeilit me mbishkrimin “Parisi i mrekullueshëm, nga Kulla Eiffel, te vera, ushqimi, e deri te FUTBOLLI”.

PSG është përgatitur ta paguajë klauzolën e lirimit të Neymar nga obligimet kontraktuale me Barcelonën, nëse kjo e fundit nuk pranon ndonjë ofertë nga PSG ku mund të përfshihet edhe ndonjë lojtar në këmbim.

Ky do të jetë transferimi më i shtrenjtë në historinë e futbollit me 222 milionë euro dhe me mundësinë që të rritet edhe më shumë.

Subscribe në YouTube: GAZETA INFOKUSI