Sport

⚽️ Montella zbulon objektivat e Milanit: Nëse nuk ndodh kjo jemi të shkatërruar!

Autori: Gazeta inFokus 11:06 | 29 July 2017

Trajneri i Milanit, Vincenzo Montella thotë se objektivi i Milanit për sezonin e ri është kualifikimi në Ligën e Kampionëve.

Në një intervistë të gjatë për gazetën Corriere dello Sport, Montella ka thënë se do të mbante përgjegjësi nëse ekipi i tij dështon të arrij objektivat e kërkuara.

“Një skuadër është ndërtuar për të arritur objektiva të caktuara. Natyrisht, do të duhet pak kohë për t’u përshtatur me 10 lojtarë të rinj, edhe më shumë për ata që vijnë nga jashtë. Nëse shtojmë se ata janë gjithashtu të rinj, atëherë kjo kërkon më shumë kohë”, ka thënë Monella, përcjell ORAinfo.

-Advertisement-

Shpenzimet mbi 210 milionë euro vënë presion të madh në Montella, por ai këmbëngul se ata nuk janë duke synuar Scudetton menjëherë.

Tani katër skuadrat e fundit të Serie A do të hyjnë në Ligën e Kampionëve nga ky sezon, duke i dhënë Rossonerëve më shumë liri veprimi.

“Marrëveshja me klubin është se ne nuk duhet të humbim entuziazmin e tifozëve, e lëre më zhgënjimin e pritjeve. Ne duhet të bëhemi një ekip sa më shpejt që të jetë e mundur dhe të përpiqemi të arrijmë objektivin tonë për kualifikimin e Ligës së Kampionëve”, ka shtuar trajneri i Milanit.

“Nëse do të humbisnim atë objektiv, do të ishte një goditje shumë e dëmshme, si ekonomikisht ashtu edhe në aspektin e imazhit. Megjithatë, ekziston një konkurrencë e madhe në Itali dhe ka grupe që, edhe nëse nuk kanë pasur strategjinë tonë të transferimit të verës, janë ende pak para nesh sa i përket planifikimit”, ka thënë ndër të tjera Montella, përcjell ORAinfo.

Kujtojmë që Milan këtë verë ka qenë shumë aktiv në merkato duke transferuar 10 lojtarë të rinj. Por transferimi i lojtarëve të rinjë ende nuk ka përfunduar për Milan. Drejtuesit e gjigantit italina janë në kërkim të një sulmuesi të madh iI cili pritet shumë shpejt të zbres në ‘San Siro’.

Subscribe në YouTube: GAZETA INFOKUSI
Etiketa:
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të
-Advertisement-

Të tjera

Fokusi

sport