Sport

⚽️ Ibrahimovic befason të gjithë, transferohet në Bundesliga

Autori: Gazeta inFokus 14:01 | 19 June 2017

Zlatan Ibrahimovic ka vendosur përfundimisht të largohet nga Manchester United.

Sulmuesit suedez do t’i skadojë kontrata në fund të këtij muaji dhe nuk ka pranuar vazhdimin e saj.

Por e ardhmja e tij nuk pritet të jetë në Angli, Azi ose Amerikë.

-Advertisement-

‘Ibracadabra’ do të mbetet edhe më tej pjesë e futbollit evropian.

Suedezi është duke u kërkuar me ngulm nga ekipi gjerman Borussia Dortmund.

Ibra shihet si zëvendësimi adekuat i sulmuesit afrikan Pierre Emerick Aubameyang që do të largohet nga verdhezinjtë.

Mediat gjermane kanë shkruar se Ibrahimovic është i interesuar të luajë në Dortmund shkaku i tifozëve të mrekullueshëm që ka ekipi gjerman.

Gjithsesi Dortmund nuk do të mundet t’i ofrojë pagë si të Unitedit, mirëpo disa vite më parë suedezi i kishte premtuar Jurgen Kloppit se do të luante një ditë për Borussian.

Në rast transferimi në Dortmund, Ibrahimovic do të bëhej ndër futbollistët e radhë që do të luante në top pesë ligat evropiane si Serie A, La Liga, Ligue 1, Premier League dhe Bundesliga.

Subscribe në YouTube: GAZETA INFOKUSI