Lajme

​SPSPK: Punëtorët teknik janë lenë në mëshirën e Zotit

Autori: Gazeta inFokus 11:21 | 13 March 2020

Sindikata e Pavarura e Sektorit Privat të Kosovës, sot ka bërë vizitë të shumë qendrave të mjekësisë familjare në Prishtinë dhe në objektet e Ministrive të Qeverisë së Kosovës, ku punëtorët teknik po bëjnë pastrimin e këtyre objekteve dhe janë lenë në mëshirën e Zotit.

SPSPK thotë se njerëzit e parë që mund të preken nga Coronavirusi, janë kjo kategori e punëtorëve dhe zyrtarisht këta punëtorë nuk kanë pranuar asnjë maskë apo ndonjë pajisje mbrojtëse kundër kësaj sëmundje.

“Kishte punëtorë që në mënyrë solidare nga stafi i qendrave te mjekësisë familjare u kishte dhuruar punëtorëve aty e këtu ndonjë pajisje, derisa tek punëtorët e pastrimit nëpër objektet e disa ministrive thonë se nuk bënë të jepen pajisjet e kërkuara pasi që po krijohet panik , d.m.th. luhet me shëndetin e punëtorëve për të mos hapur panik apo me mirë të themi rreziko shënde tin tënd , për të mos bërë panik të njerëzit tjerë te shendosh. Nëse deri nesër datë 14.03.2020 ne ora 8:00 nuk pajisën këta punëtorë me pajisë adekuate ne do ti thërrasim kryetarët e shoqatave dhe do te vendosim për ta ndërprerë punën. Qeveria për këto gjera ka ndarë 10 milion euro, ne te kujt jemi pyesin punëtorët”, thuhet në reagimin e SPSPK.

-Advertisement-

Subscribe në YouTube: GAZETA INFOKUSI
BKS-ja kërkon nga Institucionet që sigurimi për bujqit të bëhët obligativ

Të tjera