Lajme

​Siguria në trafik vazhdon të jetë sfidë për Kosovën

Autori: Gazeta inFokus 13:44 | 24 January 2020

Sfida kryesore e sigurisë publike në vend vazhdon të jetë siguria në trafik, ku gjatë vitit 2019 kanë ndodhur 16 mijë e 199 aksidente ku kanë humbur jetën 113 persona në këto aksidente.

Kështu u tha në konferencën e shtatë ndërkombëtare të titulluar “Sfidat e mobilitetit të transportit dhe siguria publike”, të organizuar nga Kolegji Tempulli si dhe Akademia e Kosovës për Siguri Publike.

Dekani i Fakultetit të Sigurisë Publike Bejtush Gashi, tha se siguria publike në përgjithësi dhe ajo rrugore në veçanti vazhdojnë të mbeten ndër problemet kryesore për institucionet shtetërore dhe të gjithë shoqërinë.

-Advertisement-

Ai tha se shqetësuese është numri i madh i aksidenteve rrugore dhe numri i personave të vdekur në aksidente në vendin tonë.

Ndërkaq, drejtori i Kolegjit të Shkencave të Aplikuara Teknike “Tempulli”, Muhamet Krasniqi, tha se siguria e lëvizjes në rrugë është një çështje që duhet t’i brengosë institucionet dhe qytetarët.

Krasniqi u shpreh se ekziston edhe arsye dhe optimizëm sepse vende të botës përmes aktiviteteve të ndryshme kanë arritur të përmirësojnë sigurinë rrugore.

Drejtori i Përgjithshëm i Akademisë për Siguri Publike Ismail Smakiqi, u shpreh se sfida e sigurisë në trafik ka nevojë për vëmendje të shtuar të institucioneve dhe të qytetarëve.

Për sfidat me të cilat përballet një qytet sa i përket sigurisë në trafik foli kryetari i Komunës së Vushtrrisë Xhafer Tahiri.

Edhe zëvendësdrejtori i përgjithshëm i Policisë së Kosovës, Samedin Mehmeti, deklaroi se sfida kryesore me të cilën po përballet vendi sa i përket sigurisë publike është siguria në trafik.

Konferenca e titulluar “Sfidat e mobilitetit të transportit dhe siguria publike”, është organizuar nga Kolegji Tempulli si dhe Akademia e Kosovës për Siguri Publike.

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera