Shala: Vendimi i Kushtetueses i pakthyeshëm, protestat e dhunshme ia zgjasin jetën qeverisë së re
Autori: Gazeta inFokus 18:54 | 29 May 2020
Vendimi i mbrëmshëm i Gjykatës Kushtetuese lidhur me dekretin e presidentit Hashim Thaçi për mandatarin e formimit të qeverisë së re, është i pakthyeshëm dhe nuk duhet të komentohet. Lëvizja Vetëvendosje nuk duhet të linçojë gjykatësit e Kushtetueses pas vendimit që morën të enjten në mbrëmje.
Kështu thotë kryetari i Këshillit për Mbrojtjen e Drejtave dhe Lirive të Njeriut, Behgjet Shala, i cili ndër tjerash thekson se LVV po pranon në mënyrë selektive vendimet e institucionit më të lartë juridik.
Shala thotë për KosovaPress, se në asnjë vend nuk kundërshtohet vendimi i Gjykatës Kushtetuese, pasi ato janë të pakthyeshme.
Shala: Kur Gjykata Kushtetuese e pezulloi dekretin e Thaçit nga LVV nuk pati reagime
(Video)
“Ju kujtohet se kur Gjykata Kushtetuese përkohësisht e pezulloj dekretin e presidentit Thaçi, atëherë nuk pati reagime. Vetëvendosje ishte e kënaqur dhe këta që janë në opozitë e tash që mendojnë të jenë në pozitë as këta nuk patën reaguar fare. Ishte një situatë që askush nuk reagoi përpos disa zërave të humbur, të cilët as nuk marrin vesh në punët e Kushtetueses, por duan të jenë protagonist dhe flisnin. Ndërsa kur tani Gjykata Kushtetuese si instrumenti më i lartë juridik i një vendi ka marrë një vendim i cili aktualisht i shkon në favor opozitës, ndërkaq e bën opozitë pozitën, kemi reagime që unë i quaj të arsyeshme, mirëpo duhet të kenë parasysh që në asnjë vend që pretendohet që ka institucione vendimet e Gjykatës Kushtetuese nuk komentohen, dhe janë të pakthyeshme”, thotë Shala për KosovaPress.
Ka tash e disa javë që në sheshet e kryeqytetit kanë filluar përgatitjet për protesta, për të kundërshtuar vendimin e Gjykatës Kushtetuese. Derisa dje është mbajtur edhe për herë të dytë prova për protestë.
Por, pas vendimit të Kushtetueses është paralajmëruar edhe një protestë gjithë popullore më 5 qershor nga militantë të kryeministrit në detyrë, Albin Kurti.
Behgjet Shala, i cili udhëheq KMDLNj, thotë se në rast se këto protesta do të eskalojnë, atëherë do të ketë jetëgjatësi qeveria e re që do të formohet.
Shala: Me protesta nuk mund të kthehet vendimi i Kushtetueses
(Video)
“Në qoftë se bëhen protesta dhe çfarëdo veprimi ju nuk mund të ktheni vendimin e Gjykatës Kushtetuese. Ai është diçka i pakthyeshëm, nuk e ndërron situatën, dhe nuk e ndryshon raportin e forcave politike. Por, vetëm sa mund ta detyroj atë që proteston në qoftë se del jashtë kornizave të protestës paqësore që të humb politikisht në të ardhmen. Mendoj që pozita e tashme dhe opozita e ardhshme nuk ka çfarë të brengoset sepse mendoj që kjo qeveri që do të formohet pas vendimit të Gjykatës Kushtetuese nuk ka jetëgjatësi dhe qëndrueshmëri”, shton ai.
Ai i quan edhe jo të ligjshme veprimet e dhunshme që mund të ndodhin pas këtij vendimi të Kushtetueses.
Shala: Nuk është e ligjshme të ketë veprime të dhunshme ndaj këtij vendimi
(Video)
“Nëse këto protesta eskalojnë, po e shihni që ka kundërshtime kryesisht nga LVV e cila nuk është e kënaqur me vendimin e Gjykatës Kushtetuese, është e ligjshme të jetë e pakënaqur, por nuk është e ligjshme të merr veprime të dhunshme ndaj këtij vendimi. Po e them se ky vendim është i pakthyeshëm, ju mund ta komentoni edhe pse komentimi nuk i ndryshon hesapet. Kjo situatë nuk ndryshohet, por protestat mund t’i mbajnë, LVV e ka të qartë që zgjedhjet mund të mbahen shumë shpesh”, thekson Shala për KosovaPress.
Të enjten në mbrëmje Gjykata Kushtetuese ka dalë me aktgjykimin rreth çështjes së mandatarit të ri për formimin e qeverisë së re, duke i dhënë kështu të drejtë dekretit të presidentit Thaçi për mandatarin Avdullah Hoti./Sh.Pajaziti/
Të tjera
-
Maqedonci në ministerialin e CEDC-së kërkon përkrahje për anëtarësimin e Kosovës në BE dhe NATO
Ministri i Mbrojtjes, Ejup Maqedonci, ka rikonfirmuar edhe një herë orientimi...
-
Ndërpritet konferenca STEMinists’24 nga protestueset, kërkohet përgigje nga ministrja Nagavci për rastin e profesorit Xhevat Krasniqi
Rektori i Universitetit të Prishtinës, Qerim Qerimi nuk përfundoi fjalimin e ...
-
Hoti: Banka Botërore e demantoi propagandën e pushtetit se ka zhvillim ekonomik
Deputeti i Lidhjes Demokratike të Kosovës, Avdullah Hoti, ka thënë se Qeveria...
-
Mbahet seanca e parë e Kuvendit Komunal në objektin e Zubin Potokut
Për herë të parë që pas zgjedhjeve të vitit të kaluar, të premten u mbajt sea...
-
Voton diaspora në Maqedoninë e Veriut, këto janë rezultatet zyrtare
Janë publikuar rezultatet zyrtare të Komisionit Shtetëror të Zgjedhjeve nga r...
-
Aksident mes katër veturash në Veternik, dy të lënduar
Dy persona kanë mbetur të lënduar si pasojë e një aksidenti mes katër veturav...
-
Zeqiri: Kemi punë përpara në funksionalizimin e objektit të Komunës
Ka përfunduar seanca e parë në Kuvendin Komunal të Zubin Potokut. Në seancë m...
-
Nervozohet Vuçiq: Veprimi i “neveritshëm”, duan t’i heqin sanksionet Kosovës
“Në Bashkimin Evropian tani kanë nisur një mekanizëm për heqjen e sanksioneve...
-
Të shtëna me armé në një lokal në magjistralen Prishtinë – Ferizaj
Policia e Kosovës ka arrestuar dy persona pasi njëri prejt tyre ka shtënë me ...
-
Mërgimtarët dërguan 112 milionë euro në Kosovë gjatë muajit mars
Mbi 112 milionë euro është vlera e dërgesave të mërgatës që janë sjellë në Re...
-
Shtatë raste të dhünës në familje në 24 orët e fundit në Kosovë
Shtatë raste të dhunës në familje janë raportuar në 24 orët e fundit në Kosov...
-
Përmbytjet vdekjeprurëse të Dubait, shkencëtarët bëjnë zbulimin e frishkëm! Një nga shkaktarët kryesor të kësaj katastrofe është…
Shiu rekord që ra mbi Emiratet e Bashkuara Arabe dhe Oman këtë muaj, duke shk...