Qytetarët kërkojnë formimin e institucioneve të reja
Autori: Gazeta inFokus 19:34 | 07 December 2019
Qytetarët e Kosovës kërkojnë formimin sa më të shpejtë të institucioneve të reja të shtetit, meqë sipas tyre, mungesa e institucioneve shënohet me pengesa në zhvillimin e vendit.
Gjithashtu, qytetarët janë shprehur se vonimi i formimit të institucioneve mund të ndikojë edhe në sferën ndërkombëtare, meqë partnerët e Kosovës presin që sa më shpejtë Republika e Kosovës t’i ketë institucionet e reja, në mënyrë që të mund të vazhdohet puna në të mirë të qytetarëve të Kosovës.
Qytetarët thonë se vonimi i formimit të institucioneve, vonon çdo proces tjetër, gjë që pengon zhvillimin e vendit në shumë sektorë.
Kadri Berisha, qytetar në Prishtinë, thotë për KosovaPress se kanë pritur që partia fituese e zgjedhjeve të 6 tetorit, dhe ajo pasuese, të lidhin koalicion menjëherë pas certifikimit zyrtar të rezultateve të zgjedhjeve nga ana e Komisionit Qendror të Zgjedhjeve.
“Moskonstituimi i institucioneve të Republikës së Kosovës, e vonojnë çdo proces të jetës politike dhe shoqërore në Kosovë, një vakum i tillë meqenëse që dy muaj janë mbajtur zgjedhjet, është pak i çuditshëm, sepse të gjithë kemi prit që marrëveshja e këtij koalicioni famoz që po pritet Vetëvendosje me Lidhjen Demokratike të Kosovës, do të arrihet shumë shpejtë, po zvarritet dhe ka elemente të çuditshme, por edhe befasuese”, thotë ai.
Gjithashtu sipas tij, kjo situatë mund të ndikojë edhe në bashkëpunimet ndërkombëtare që i ka shteti i Kosovës.
Por, Berisha thotë se ambasadat e vendeve të QUINT-it në Kosovë, duhet të bëjnë presion për formimin sa më të shpejtë të Qeverisë dhe Kuvendin të Kosovës.
“Në aspektin ndërkombëtar, kjo ngec dhe e qet një pikë të zezë në elitën politike të Kosovës, mirëpo ndoshta ata, ambasadat e huaja që janë këtu, duhet të bëjnë një trysni më të madhe për t’u arritur ky koalicion sa më shpejtë që është e mundur, nëse nuk ka ndonjë prapavijë”, thotë ai.
E sipas Nehat Spahiut, një tjetër qytetar që flet për situatën aktuale në vend, pa institucione rrezikohet të ngecë zhvillimi i Kosovës.
“E pengon zhvillimin e Kosovës shumë, dhe dyshoj që së shpejti do të bëhet koalicioni mes dy partive që kanë fituar zgjedhjet… Edhe në bashkëpunimin ndërkombëtar ndikon, sepse ndërkombëtarët presin që sa më shpejtë të formohet qeveria dhe sa më shpejtë të fillojnë bisedimet me Serbinë për zgjidhjen e statusit të Kosovës, për liberalizimin e vizave dhe shumë gjëra të tjera”, thotë ai.
Fajtorë për këtë situatë, sipas Gani Haxhiajt janë dy partitë që kanë marrë besimin e qytetarëve për formimin e institucioneve të reja.
“E pengon shumë, fajtorë kryesorë janë dy partitë, të cilat i kanë fituar zgjedhjet, andaj unë po ua zë për të madhe pse po e zhagisin, pse po e prolongojnë, pse nuk po i formojnë institucionet dhe të shkon puna mbarë. Populli e ka dhënë verdiktin e vet, dihet çfarë verdikti, që duhet të ketë ndryshime”, thotë ai.
E Ilir Maqedonci, profesor në Shkollën “Ilira” të Marevcit, thotë se mungesa e institucioneve po ndikon edhe në arsim.
“Mbetet prapa krejt. Unë në arsim punoj, na kanë rrejt që sa javë, kemi me i procesu edhe sot nesër, sot nesër, pagat edhe veç rrejnë nuk ka asgjë”, thotë ai.
Çështja e arsimit po e shqetëson edhe një tjetër qytetar. Zenel Thaçi thotë se Kosova ka ngecur shumë në këtë fushë.
“Po qysh nuk ngecë, a po e sheh arsimi, ku është arsimi”, thotë ai.
Në Republikën e Kosovës janë mbajtur zgjedhjet e jashtëzakonshme parlamentare më 6 tetor 2019. Procesi i certifikimit të rezultateve nga Komisioni Qendror i Zgjedhjeve ka qenë i tejzgjatur, për shkak të disa problemeve me formularë që janë hasur gjatë numërimit. E kjo ka dërguar shumë vendvotime në rinumërim, meqë Qendra për Numërim dhe Rezultate ka hasur në probleme gjatë numërimit të votave.
Më 27 nëntor KQZ ka bërë certifikim zyrtar të rezultateve të zgjedhjeve të 6 tetorit, zgjedhje këto që e nxorën të parën Lëvizjen Vetëvendosje dhe të dytën Lidhjen Demokratike të Kosovës.
Këto dy parti janë në bisedime për një koalicion të mundshëm qeverisës, por që ende nuk ka një marrëveshje në mes tyre.
Të tjera
-
Vasfije Krasniqi: Çdo ditë e kujtoj tmęrrin që më ndodhi nga forcat serbe
Vasfije Krasniqi Goodman është kthyer në një grua simbol dhe heroinë për shum...
-
Ngjarjet e datës 24 prill
UBT organizon Konferencën Ndërkombëtare “Building Sustainable IoT Ecosystems”...
-
Kurti flet për telefonatën me Macron, shpreson se Franca do ta mbështes anëtarësimin në KiE pa Asociacionin
Kryeministri i vendit Albin Kurti në një bisedë telefonike të zhvilluar me pr...
-
Dita e Turqve, Konjufca: Ky komunitet shtetin tonë e përjeton si të vetin
Kryetari i kuvendit, Glauk Konjufca, në organizimin për nder të Ditës Kombëta...
-
Kurti në Panairin e Hanoverit, e quan historike pjesëmarrjen e parë të Kosovës
Kryeministri i Kosovës, Albin Kurti, ka vizituar Panairin e Hanoverit “20...
-
Pasuria e Vjosa Osmanit – Baton Haxhiu: Ajo e Prindoni duan të ikim në Australi
Gazetari Baton Haxhiu teksa po diskutonte pasurinë e presidentes Osmani në Pr...
-
Gjuajtje me ąrmë zjąrri në Hajvali, policia jep detaje
Gjuajtje me armë zjarri janë raportuar të kenë ndodhur sot rreth orës 17:00 ...
-
Abdixhiku për raportin e DASH: Dëshmi e shqetësimeve të LDK-së
Kryetari i Lidhjes Demokratike të Kosovës, Lumir Abdixhiku raportin e Depart...
-
Kroacia mbështet hyrjen e Kosovës dhe Shqipërisë në BE
Kroacia mbështet hyrjen e Kosovës dhe Shqipërisë në Bashkimin Evropian. Kë...
-
Për fjalimin në KS të OKB “Nënat e Srebrenicës” e falënderojnë Osmanin: Do të mbahet mend
Organizata “Nënat e Srebrenicës” me bazë në Bosnje e ka falënderuar president...
-
Nagavci mirëpret vendimin për pezullimin nga puna të Xhevat Krasniqit
Ministrja e Arsimit, Arbërie Negavci, ka reaguar pasi profesori Xhevat Krasni...
-
Macron telefonon Kurtin, bën thirrje për zbatimin e marrëveshjeve ndërsa anëtarësimin në KiE e lidh me Asociacionin
Kryeministri i Kosovës, Albin Kurti ka pranuar një telefonatë nga Presidenti ...