Lajme

​Më shumë se 10.000 të vdekur në Kroaci që nga fillimi i epidemisë

Autori: Gazeta inFokus 06:55 | 18 November 2021

Në 24 orët e fundit në Kroaci janë regjistruar 6670 raste të reja me koronavirus, kanë vdekur 64 persona, ndërsa që nga fillimi i epidemisë janë shënuar 10050 të vdekur, njoftoi Shtabi Kombëtar i Mbrojtjes Civile.

Janë 37.144 raste aktive, mes tyre 2 433 pacientë me trajtim spitalor dhe 323 me respiratorë. Janë testuar rreth 15 500 qytetarë.

Që nga fillimi i epidemisë, 551.000 njerëz janë infektuar dhe 10.050 kanë vdekur.

-Advertisement-

51.18 për qind e popullsisë së përgjithshme, pra 61.15 për qind e të rriturve, janë vaksinuar me të paktën një dozë. Gati 18 mijë qytetarë morën dozën e parë të vaksinës ditën e djeshme.

Në Kroaci, nga e hëna, për hyrje në institucionet publike dhe shtetërore nevojitet një certifikatë hyrje, pasi që në fillim të tetorit është futur tashmë në sistemin shëndetësor dhe institucionet e mbrojtjes sociale.

Sipas vendimit të ri të Shtabit Kombëtar të Mbrojtjes Civile, punonjësit në institucionet publike dhe shtetërore, ku përfshihet edhe niveli vendor, duhet të kenë dëshmi se janë vaksinuar ose kapërcyer sëmundjen vitin e fundit.

Nëse nuk e kanë atë, duhet të testohen dy herë në javë dhe testimi është falas për ta, pra me shpenzimet e punëdhënësit.

Sipas disa përjashtimeve, si për shembull fëmijët nën 16-vjeç, duhet të kenë certifikatë edhe përdoruesit e institucioneve publike dhe shtetërore.

Sa i përket shkollave, certifikatat u futën vetëm për punonjësit.

Subscribe në YouTube: GAZETA INFOKUSI
Etiketa:
Comodita Home dhe Prince Caffe: Sponsor të përgjithshëm të Sunny Hill Festival
-Advertisement-

Të tjera

Fokusi

lajme