Lajme

​Finalizohet projekti i zgjatjes së pistës në aeroportin “Adem Jashari”

Autori: Gazeta inFokus 11:39 | 21 December 2021

Në Aeroportin Ndërkombëtar të Prishtinës “Adem Jashari” është finalizuar projekti i zgjatës së pistës dhe ngritjes se kapacitetit të ndriçimit. Pista është zgjatur nga 2500m në 3040m.

Ministri i Mjedisit, Planifikimit dhe Infrastrukturës, Liburn Aliu tha se është një moment i rëndësishëm meqenëse përfundimi i këtij projekti ka impakt në transportin ajror në vendin tonë dhe krijon kushte për të ardhmen për transport të mallrave.

Aliu po ashtu tha se tashmë më instalimin e sistemit të teknologjisë më të lartë të parashikimit të motit mundësitë për anulim të fluturimeve janë zvogëluar.

-Advertisement-

“Projekti tashmë është i finalizuar dhe është operacional dhe janë instaluar edhe pajisjet e sofistikuara për aterim. Kemi të instaluar sistemin e ri të navigimit, është bërë trajnimi për shfrytëzim. Është instaluar aterimi përmes navigimit me instrumente ils, është instaluar edhe sistemi meteorologjikë. Aeroporti i Prishtinës është tash në nivel të konkurrueshmërisë në rajon. Pista e këtij aeroporti është më e përshtatshme se aeroportet të regjioneve dhe sa u përket sistemeve të avancuara 3B nga sistemi 2 që e kemi pasur më parë është një renditje e lartë”, tha ai.

Gjenerali i KFOR-it, Ferenx Kajari tha se aeroporti i Prishtinës ka krijuar një infrastrukturë shumë të mirë dhe ka avancuar në këtë hapësirë duke zgjeruar pistën dhe përmirësimet e infrastrukturës janë hap pozitivë për aviacionin në Kosovë dhe në përgjithësi për regjionin e Ballkani.

Ndërsa, Drejtori i Operimeve në Aeroportin Ndërkombëtar të Prishtinës, Gokmen Aritay Jemi krenar që tashmë kemi arritur të finalizojmë këtë projekt, dhe se do kemi mundësi të zhvillojmë transportin ajror.

Subscribe në YouTube: GAZETA INFOKUSI
Etiketa:
Spektakli i Vitit, Ekskluzivisht në Artmotion – BBVK3!
-Advertisement-

Të tjera

Fokusi

lajme