Deputetët takojnë përfaqësuesit e kolegjeve private, bisedojnë për sfidat e pandemisë
![](https://gazetainfokus.com/wp-content/uploads/2020/06/komisioni-per-arsim-220620.jpg)
Autori: Gazeta inFokus
14:13 | 22 June 2020
Komisioni parlamentar për arsim, shkencë, teknologji, inovacion, kulturë, rini dhe sport, ka biseduar sot me përfaqësues të bartësve privat të arsimit të lartë në Kosovë. Këta të fundit kanë treguar sfidat te tyre gjatë pandemisë dhe kanë shprehur kritikat tyre për procesin e akreditimit.
Lulzim Tafa, përfaqësues nga Universiteti AAB, tha se periudha e pandemisë më e vështira që prej ekzistencës së këtij institucioni.
Megjithatë, ai tha se ia kanë dalur të mirë me mësimin online, por që vështirë pritet të jetë tani me procesin e akreditimit, i cili gjithashtu do të bëhet online.
Ai përmendi një prej pikave, që sipas tij është e rëndësishme në këtë proces, ku ekspertët duhet të vizitojnë institucionin për të vlerësuar edhe pjesën e infrastrukturës, ku sipas Tafës është vështirë të bëhet online.
“Ky proces zakonisht përfundon në fund të muajit qershor apo në javën e parë të korrikut, kurse ne ende këto ditë kemi marrë agjenda për vizita të ekspertëve dhe me gjasë ky do të jetë një proces i vonuar. Përveç që është proces i vonuar, fatkeqësisht kësaj radhe duket se do të jetë edhe selektiv, nuk do të jetë proces për të gjitha institucione apo programet, Agjencia e Akreditimit ka vendosur që të t’i nënshtrohet procesit të akreditimit vetëm disa institucione dhe disa programe”, tha ai.
Për çështjen e akreditimit, Visar Jasiqi i cili përfaqëson kolegjin RTI Kosovo, përmendi si shembull Shtetet e Bashkuara të Amerikës ku akreditimi fillon pasi të diplomohet studenti i parë, ani pse program aprovohet paraprakisht.
“Në Kosovë akreditimi ndodh një vit para se me fillu program, mbi premisën e premtimeve se çka do të ofrojë, që është një rrezik i madh që edhe shteti e merr për të akredituar një institucion i cili tre vite do t’i mbajë studentët dhe nëse nuk i përmbush ato premtime do t’i themi institucionit nuk ke më akreditim, derisa ne i kemi shpenzuar tre vjet të jetës së qytetarëve në një program të cilin e kemi besuar se do të jetë i mirë në bazë të disa letrave dhe jo në bazë të rezultateve që program i ka arrit”, tha ai.
Ndërsa sipas Enkelejda Shatri nga Akademia Evolucion, problem kryesor i të gjitha shkollave private tani janë financat.
Ajo tha se qeveria e kaluar nuk ka paraparë ndihmë për këto institucione dhe sipas saj tani është vështirë të mbijetohet meqë studentët nuk mund të paguajnë shkollimin aty.
“Me problemet ekonomike që janë ofruar nga Covid, të njëjtat probleme po shkaktohen edhe tek ne. Qeveria e kaluar na ka larguar nga paketa sepse supozonte që neve kemi kontrata që nënshkruhen nga studentët dhe paguhen në fillim, që nuk është e vërtetë, sepse ne ato kontrata i nënshkruajmë me studentët por nuk paguhet e gjitha shumë përnjëherë, pro paguhet nëpër muaj. Neve kemi ngecje në pagesa nga studentët, nëse qeveria ka marrë një vendim që mos të ndihmojë shkollat private, atëherë lë të marrë një vendim të ndihmojë studentët”, tha ajo.
Ajo tha se duhet ndihmuar studentët meqë ka prej tyre që gjatë pandemisë nuk e kanë pasur asnjërin prind të punësuar.
Sipas saj, kjo çështje është problematike sidomos për shkollat private që nuk kanë numër të madh të nxënësve.
Por Fitim Uka, deputet nga radhët e Lëvizjes Vetëvendosje, tha se këto institucione nuk mund të presin mbështetje ekonomike nëse studentët vazhdojnë të paguajnë shkollimin.
“Më lejoni të u them këtu që qeveria e kaluar ka ofruar një pako emergjente për mbështetje dhe prej asaj pako kanë përfituar student, ndërkaq institucionet e arsimit të lartë nuk mund të pretendojnë që të marrin mbështetje ekonomik përderisa studentët vazhdojnë të paguajnë për studime”, tha ai.
Edhe sipas deputetët nga Aleanca për Ardhmërinë e Kosovës, Teuta Haxhiu, nuk duhet të ketë ankesa për mos përfshirje në pako të qeverisë.
Sipas saj, problem që duhet të përmenden janë nga politika zhvillimore si numri i madh i të diplomuarve që pastaj nuk gjejnë punë dhe diplomat që nuk licencohen për shkak të mos akreditimit të disa programeve.
![](https://gazetainfokus.com/wp-content/uploads/2023/12/BKT-Kosova-The-Banker-2023-scaled.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...