Sport

⚽️Ja sa milion euro Barcelona i ofron Celta Vigos për ta mposhtur Realin(VIDEO)

Autori: Gazeta inFokus 16:12 | 16 May 2017

Lufta për të fituar kampionatin spanjoll të futbollit është bërë më interesante se asnjëherë më parë. Real Madrid e ka në dorë fatin e vet duke patur në dispozicion dy ndeshje për të fituar kampionatin, ndërkohë Barcelona ka vetëm një dhe varet direkt nga rezultatet që do arrijnë madrilienët, përcjellë Gazetasheshi.com.

Një informacion ekskluziv ka tronditur botën e futbollin spanjoll, me ç’rast mediumi spanjoll “El Chiringito” ka zbuluar se Barcelona tashmë i ka ofruar 3 milionë euro bonus ekipit të Celta Vigos në rast se ata arrinë ta mposhtin Real Madrid-in.

Real Madrid do të përballet me Celta Vigon të mërkurën në “Balaidos” dhe në rast dështimi do ta shpallte Barcelonën automatikisht kampion një javë para fundit të kampionatit.