Sport

⚽️Gerrard: Ky është sekreti i Liverpoolit për t’i blerë lojtarët e mëdhenj

Autori: Gazeta inFokus 16:54 | 26 May 2017

Steven Gerrard ka këshilluar trajnerin e Liverpoolit, Jurgen Klopp, për mënyrën e tërheqjes së yjeve të mëdhenj të futbollit evropian.

Ish kapiteni i Liverpoolit, që tani drejton skuadrën e të rinjve, ka treguar se si trajneri gjerman mund të bind lojtarët e mëdhenj për t’iu bashkuar skuadrës nga Anfield Road.

36 vjeçari beson se Klopp do të ishte shkaku kryesor që lojtarët e njohur t’i thonë ‘PO’ Liverpoolit.

Liverpooli si një skuadër me traditë të madhe, dhe tani me rikthim në Ligën e Kampionëve dhe me një trajner si Klopp, sipas Gerrard nuk do ta ketë problem të afrojë lojtarët më të mirë.

-Advertisement-

“Sikur të isha një lojtar i madh në Evropë dhe Jurgen Klopp të më telefononte për të më dhënë mundësinë të luaj në këtë ekip të tij, me histori e shumë traditë, unë do të shkoja menjëherë”, ka deklaruar Gerrard, përcjell lajmi.net.

Gerrard si lojtar ka kaluar gjithë karrierën në Liverpool, ku për 17 vite ka regjistruar 504 paraqitje dhe ka shënuar 120 gola, duke fituar edhe Ligën e Kampionëve, por ka dështuar të fitoi një titull të Premierligës.

Subscribe në YouTube: GAZETA INFOKUSI