Sport

⚽️ “Griezmann si Messi e Ronaldo, duhet të transferohet në këtë klub”

Autori: Gazeta inFokus 17:57 | 25 May 2017

Herrera shpreson që Griezmann do të transferohet në Manchester United
Mesfushori i Manchester United, Ander Herrera, e dëshiron në “Old Trafford” yllin e Atletico Madrid, Antoine Griezmann.

Herrera, i cili u votua si lojtari më i mirë në finalen e Europa League ku triumfuan “Djajtë e Kuq” 2:0 ndaj Ajaxit, e sheh Griezmannin si një lojtar që do të arrijë në nivelet e Leo Messit e Cristiano Ronaldos.

26 vjeçari francez, Griezmann, ka kohë që lidhet me një kalim të mundshëm në Angli, ku edhe vet ditë më parë bëri të ditur se shanset janë të mira të transferohet te United.

-Advertisement-

Triumfi në Europa League dhe pjesëmarrja direkt në Ligën e Kampionëve, rrit edhe më shumë shanset për realizimin e këtij transferimi, që tani ka folur edhe Ander Herrera.

“Griezmann është lojtar i shkëlqyer, ai është fenomen. Ai është yll dhe besoj se nuk ka klub që nuk e dëshiron atë”, tha Herrera.

“Sido që të jetë, Griezmann është ende lojtar i Atletico Madridit dhe duhet të respektojmë Atleticon dhe tifozët e tyre”, shtoi ai.

“E kam thënë edhe në të kaluarën, Griezmann është në mesin e atyre që shihet si pasardhës i Cristiano Ronaldos (Real Madrid) dhe Lionel Messit (Barcelona)”, u shpreh më tej Herrera.

Subscribe në YouTube: GAZETA INFOKUSI