Sport

⚽️ Gashi – Kaka, ky është lajmi i fundit

Autori: Gazeta inFokus 11:24 | 17 May 2017

Shkëlzen Gashit i kanë mjaftuar dy gola të realizuar kundër San Hoze të Jahmir Hykës në fundjavë për t’u bërë menjëherë protagonist i Kolorado Rapids dhe për të përfunduar mes më të mirëve në MLS.

Sulmuesi shqiptar ka lënë pas dëmtimin që e shqetësoi në muajt e parë të këtij sezoni dhe me kthimin në 100%, pritet të ndihmojë ekipin t’i largohet fundit të tabelës së klasifikimit.

Gashi është përzgjedhur në “Ekipin e javës” në MLS, duke përfunduar në fakt në stolin e rezervave të 18-shes, pasi nuk është në 11-shen titullarë të caktuar nga ekspertët e kampionatit amerikan.

Ndërkaq, ai është në garë për një tjetër çmim prestigjioz, “Golin e javës”, për realizimin e dytë në ndeshjen ndaj San Hoze.

Rivali i tij kryesor për këtë çmim është braziliani Kaka, i cili realizoi një gol mjaft të bukur kundër Sakramentos. Fituesi do të zgjidhet nga votat e tifozëve.