Sport

⚽️ Bacca befason të gjithë me të ardhmen

Autori: Gazeta inFokus 19:12 | 22 June 2017

Sulmuesi i AC Milan, Carlos Bacca, i përfolur prej kohësh në lidhje me largimin e tij të mundshëm nga klubi kuqezi, ka folur mbi të ardhmen e tij për “El Heraldo”.

Një intervistë që ka paraqitur një version ndryshe të situatës për sulmuesin kolumbian, i cili erdhi bujshëm te Milan, por nuk arriti dot të shpërthejë sipas pritshmërive, mbase edhe për shkak të situatës aspak pozitive që klubi italian ka kaluar sezonet e fundit. Është i qartë vullneti i futbollistit për të vazhduar të veshë fanellën kuqezi, madje edhe tani, pavarësisht tratativave të përparuara që personeli i klubit të Milan ka zhvilluar për të afruar në këtë merkato Nikola Kalinic te “Djalli”.

-Advertisement-

“Unë qëndroj te Milan. Kam akoma edhe tre vite kontratë dhe duhet të rikthehem më datë 5 korrik për të qenë në dispozicion të stafit teknik. E di që nuk ka qenë sezoni im më i mirë, por kjo gjë më motivon dyfish për sezonin e ardhshëm. Që kur jam në europë kam shënuar gjithmonë 20 gola, vetëm vitin e kaluar nuk e bërë këtë gjë. Franca? Çdo herë që hapet merkato, dalin emra të rinj ekipesh. Jam i lumtur te Milan, po zbavitem”, deklaroi Bacca për “El Heraldo”.