Sport

⚽️ Afati kalimtar në Evropë, këto janë lëvizjet e fundit!

Autori: Gazeta inFokus 17:37 | 12 June 2017

Tregu i transferimeve është bërë më i nxehtë se asnjëherë më parë. Skuadrat tashmë kanë filluar të përforcohen me futbollistë ende pa filluar afati kalimtar, transmeton Gazetasheshi.com.

Në vazhdim ju sjellim disa nga lëvizjet e fundit:

Adnan Januzaj shumë pranë Real Sociedad

-Advertisement-

Futbollisti shqiptar i cili ndodhet në pronësinë e Manchester United është fare pranë të zyrtarizoj kalimin tek skuadra spanjolle Real Sociedad. Futbollisti nga Istogu tashmë e ka të qartë se nuk ka vend në ekipin e Jose Mourinhos dhe për këtë duhet të marrë një vendim sa më të shpejtë.

Vallejo zëvendësues i Pepe-s tek Reali

Jesus Vallejo tashmë do të rikthehet në Madrid. Mbrojtësi i ri i talentuar ka patur një sezonë fantastike në Bundesligë tek skuadra e Frankfurtit, ndërkohë që mbretërit do të shfrytëzojnë opsionin e ri-blerjes, teksa e shohin si zëvendësues potencial të portugezit Pepe, i cili është larguar nga Madridi.

Juventus refuon 59 milionë nga Chelsea për Alex Sandro-n

Chelsea ishte e interesuar për shërbimet e mbrojtësit të majtë të Juventus-it, Alex Sandro. Por, as 59 milionë euro të ofruara për të nuk kanë qenë të mjaftueshme për gjigantin italian që të pranojë ofertën.

Alexis Sanchez afër Manchester City-t

Manchester City është favorit për ti fituar shërbimet e sulmuesit kilian të Arsenal-it, Alexis Sanchez. Pep Guardiola po e kërkon me ngulm ish-sulmuesin e Barcelonës, derisa në garë janë edhe Juventus e Bayern Munich.

Milan tenton transferimin e Verratit

Mesfushori italian Marco Verrati mund të ndodh fare lehtë që të nënshkruajë për skuadrën e Milanit. Ai është parë me drejtuesit e klubit rosoner në Milanello gjatë ditës së hënë, teksa në mediumet italiane raportojnë se ai pritet të jetë ‘goditja’ e madhe e rosonerëve në këtë afat kalimtar.

Klopp kontakton për Mbappen

Tani është koha edhe për Liverpoolin. Skuadra angleze është ekipi i rradhës që futet në garë për sulmuesin e talentur Mbappe Lotin. Ekipi i Monaco-s tashmë i ka vendosur çmimin prej 113 milionë eurove.