Sport

​Lukaku i lumtur tek Interi

Autori: Gazeta inFokus 14:38 | 03 May 2021

Sulmuesi belg nuk dëshiron të largohet nga Serie A.

Sulmuesi Romelu Lukaku nuk po planifikon që të largohet nga skuadra e Interit këtë verë, pas suksesit të klubit në ngritjen e titullit të Serie A, raporton gazetari i njohur Fabrizio Romano.

Belgu ka treguar se është shumë krenar që është lojtar i Interit, dhe tani raportohet se do të qëndroj edhe sezonin e ardhshëm në Itali, pavarësisht interesimit të madh të shumë klubeve evropiane, përcjell KosovaPress.

Këtë sezon, Lukaku e ka ndihmuar Interin drejt titullit të 19 në histori të Serie A, ku brenda 41 ndeshjeve, ai ka regjistruar 27 gola dhe nëntë asistime.

Interesim serioz për shërbimet e belgut ka shprehur ish-skuadra e tij Chelsea, ku trajneri Thomas Tuchel thuhet se është admirues i madh i sulmuesit 27 vjeçar, dhe nëse dëshiron që ta transferoj atë këtë sezon, duhet të paguaj dëmshpërblim prej 90 milionë eurosh.

Të tjera