Lajme

​Ish-ushtari serb tregon për zhvarrosjen e kufomave shqiptare në Izbicë

Autori: Gazeta inFokus 21:35 | 13 October 2020

Një ish-pjesëtari i ushtrisë jugosllave ka shpalosur detaje nga krimet serbe gjatë luftës së fundit në Kosovë.

Ai sonte ekskluzivisht për emisionin DebatPlus në RTV Dukagjini ka treguar se si serbët fshehën gjurmët e vrasjes të popullsisë së pafajshme shqiptare.

Ish-ushtari ka bërë të ditur se nuk bëhej fjalë për njësi paramilitare, por thotë se ishin njësite të mbrojtjes territoriale të përbëra nga serbët e Kosovës, të cilët çdo gjë kanë bartur për në Serbi, madje edhe muret.

Ai tregon momente kur personalisht ka parë se si zhvarroseshin kufomat e shqiptarëve në një varrezë masive mes Izbicës e Kllodernicës.

“Në maj duke parë televizorin mësuam për një varrezë masive mes Izbicës dhe Kllodernicës. Nga komanda u urdhëruam të shkojmë dhe ta gjejmë atë vend. Kur arritëm në atë lokacion takuam një grup civilësh që nuk ishin ushtarë. Shumica ishin romë. Ishte një traktor që i nxirrte kufomat, të cilat i ngarkonin në një kamion të madh ushtarak. Ne kemi arritur në ditën e tretë kur edhe përfundonte zhvarrosja dhe rrafshohej në tërësi terreni. I pyetëm se çfarë po bëjnë. Na thënë që po i lëvizin kufomat drejt Mitrovicës. Nuk qëndruam më shumë se 10 minuta në atë vend”, ka thënë ai.

Të tjera